Bismillahir Rehmanir Raheem Assalam Alaikum Wa Rehmath Ullahi Wa Barkatahu Naat-E-Rasool S,A,W Naa Toh Shams Wo Qamar Hain Naa Aashiyana Hai NABI-E-PAAK Ka Raouza Bada Suhana Hai
Gulaab Wo Atr Naa Champa Naa Mushk Wo Amber RASOOL-E-PAAK Se Mehka Hua Zamana Hai
Gul Wo Bahar Ke Mousam Naa De Sakenge Chain NABI Ki Yaad Me Rahat Ka Gul Khilana Hai
Kabhi Toh Jal Bhi Uthe Dil Me Aatish-E-Ahmed Yeh Aarzoo Hai Meri Jalke Jagmagana Hai
Udaa Ye Kehke Pyasa Sa Parind Nazroun Ka Dar-E-Nabi Pe Mujhe Tashnagi Bujhana Hai
Libaas-E-Ishq Shai De Pahen Ke Har Lamha Zameen-E-Dil Pe Massarrat Ka Ghar Banana Hai
Kitab-E-Ishq MOHAMMEDIA Dil Likhne Ko Khushi Khushi Se Khushi Ka Qalam Uthana Hai
Lagana Aab Me Aatish Hai Jaise NaaMumkin Nabi Ka Waise Hi Tashbiya Aastana Hai
Namaz-E-Ishq Wo Mohabbat Me Bawazoo Rehkar Rasool-E-Paak Ko Har Haal Me Manana Hai
Tuloo Yaad Ka Suraj Tu Iss Tarah Se Kar Lai Ke Saamne Apna Shai Zamana Hai
Nabi Ke Ishq Ki Kirnoun Se Jagmaga Le Dil Ghamoun Ki Dhoop Se Khudko Jise Bachana Hai
Dua Hai Rab Se Tassawur-E-Nabi Ki Ulfat Me Khushi Se Hanske Sada Gham Mujhe Bhulana Hai Aap Sabki Dua Ki Talib Mrs Rubina Yasmeen
| 
No comments:
Post a Comment