[Yaadein_Meri] ♥ Meray AlaHazrat ♥

 

Few days ago, my beloved friend and spiritual brother from Colombo asked me if I have ever visited Bareilly Sharif. I replied, "Bulaengay mujh ko meray AlaHazrat" in sha Allah... and with the grace of my beloved Murshid al-Kareem Sayyidi Taaj al-Shari'ah and my principal source of Inspiration, AlaHazrat Imam Ahmad Rida Khan (Alaihir raHmah wa ar-Ridwan), I continued with the following:

Sada hay ye dil ki meray, AlaHazrat;
Bulaengay mujh ko, meray AlaHazrat

Bareilly ki Galiyan, wahan ki baharain;
Dikhaengay ke mujh ko meray AlaHazrat

Yun Jalwon se Noori o Hamid Raza ke;
Basaengay dil ko meray AlaHazrat

Madinay se jayengay hum bhi bareilly;
Bulaengay hum ko meray AlaHazrat

Dayaar-e-Nabi mein muhazzab mu'addab;
Basaengay mujh ko meray AlaHazrat

Salamat rahega mera deen o Iman;
Bachaengay mujh ko meray AlaHazrat

Nigahon se apni Maey Ishq o Ulfat;
Pilaengay mujh ko meray AlaHazrat

Gham-e-Furqat-e-Maah-e-Taybah mein Aksar;
Rulaengay mujh ko meray AlaHazrat

Khuda ke Khazanon mein ka mera hissa;
Dilaengay mujh ko meray AlaHazrat

Siwa uss se, jo hay meray haqq mein behtar;
Dilaengay mujh ko meray AlaHazrat



Jo hay rasta naykon ka, woh raah seedhi;
Chalaengay mujh ko meray AlaHazrat

Sana khuwan banaya hay tou khuld mein bhi;
Parhayenge mujh ko meray AlaHazrat

Dam e Naz'a aa kar Sar e Baaleen Kalima;
Parhayenge mujh ko meray AlaHazrat

Madinay mein mawt aaey Ya Rabb, baqee mein;
Sulaengay mujh ko meray AlaHazrat

Nakeerayn puchengay jo, uski baabat;
Batayengay mujh ko meray AlaHazrat

Liwa ke taley jab sana hogi unki;
Parhayeng mujh ko meray AlaHazrat

Sadaa ayegi Rabb e Sallim ki pull par;
Sambhalengay mujh ko meray AlaHazrat

Pukara hamesha, Bareilly ka Shaha!
Pukarengay tum ko, meray AlaHazrat

Nawaza hamesha, Nawaz rahay hain;
Nawazengay mujh ko meray AlaHazrat

Munafiq ke radd me qalam ko chalana;
Sikhaengay mujh ko meray AlaHazrat

Rawafiz ki durgat, khawarij pe Aafat;
Banaengay mujh ko meray AlaHazrat



Sada Ghous-e-Azam ka, Khwaja ka Langar;
Khilaengay mujh ko meray AlaHazrat

Mujhe meri Naslon ko Aaqa ka Langar;
Khilaengay sab ko meray Alahazrat

Raza ke mission ko jo phelao lougon;
Sarahengay tum ko meray AlaHazrat

Gulaman-e-Barakat o Razawi Deewanay;
Banaengay hum ko meray AlaHazrat

Ma'iyyat mein Murshid ki Hajj aur Umray;
Karaengay mujh ko meray AlaHazrat

Madinay mein phir jald Akhtar Raza say;
Milayengay mujh ko meray AlaHazrat

Meray Murshid o Jaan e Alam ka piyara;
Banaengay mujh ko Meray AlaHazrat

Sada fayz Akhtar Raza se Yaqeenan;
Dilaengay mujh ko meray AlaHazrat

Tujhe khawf kis ka ho ~Irfan-e-Noori;
Nibhaengay tujh ko meray AlaHazrat

Shafa'at ka Mujzda Sar e Hashr ~Irfan;
Sunaengay tujh ko meray AlaHazrat!!

Note: Few couplets were contributed by Hafiz Muhammad Bilal Qadiri (Noor Masjid - Karachi). May Allah bless him with better reward.

wa al-Hamdu LILLAH! Kindly advice me if there is any sort of mistake/error. You will find me accepting and welcoming your positive criticism in sha Allah!!

— — —
Noori al-Qadiri
15th Rajab al-Murajjab 1434H

__._,_.___

Reply via web post

Reply to sender

Reply to group

Start a New Topic

Messages in this topic (1)

Recent Activity:

• New Members 1

Visit Your Group

Switch to: Text-Only, Daily Digest • Unsubscribe • Terms of Use • Send us Feedback

.

__,_._,___